Halló !
Vertu hjartanlega velkomin/n/ð á síðuna mína!
Ég heiti María Ester Guðjónsdóttir
og hef meira en áratuga reynslu í ferðaþjónustu.
Sérhæfing mín snýst um sjálfbærni í ferðaþjónustu,
þar sem ég vinn markvisst að því að hjálpa fyrirtækjum
að innleiða sjálfbærar lausnir og þróa ábyrgð í starfsemi sinni.
Ég er með menntun í ferðaþjónustu og sjálfbærri þróun, auk þess að hafa unnið í ýmsum hlutverkum innan ferðaþjónustunnar, svo sem rekstri, stjórnun, sölu, birgjaviðræðum og samskiptum við viðskiptavini, m.a. á tjaldsvæðum, hóteli og ferðaskrifstofu .
Ég hef lokið námskeiði og prófum hjá GSTC - Global Sustainability Tourism Counsil, sem heitir á íslensku Alþjóðaráðið um sjálfbæra ferðaþjónustu. Þar er ég með leyfi til að starfa sem úttektaraðili í sjálfbærri ferðaþjónustu og persónulega vottun um að hafa lært á staðlana þeirra.
Ég hef einnig lokið námskeiði og staðist próf hjá Travelife fyrir ferðaskrifstofur sem heitir sjálfbær stjórnun (e. Sustainability management).
Ásamt fleiru skemmtilegu, þau sem vilja kynnast mér betur eru velkomin/ið að skoða ferilinn minn á Linkedin síðunni minni.
Afrek og árangur
Alþjóðaráðið um sjálfbæra ferðaþjónustu
Global Sustainable Tourism Council - GSTC
- Viðurkenndur úttektaraðili (e. auditor) á stöðlum fyrir ferðasala/skrifstofur og gististaði
- Persónulegt skirteini (e. professional certificate) - lokið námskeiði og prófi um staðla
Travelife For Tour Operators
- Viðurkenndur Travelife úttektaraðili (e. auditor)
- Viðurkenndur Travelife þjálfari (e. coach)
- Sjálfbær stjórnun (e. Sustainability Manager) - lokið námskeiði og prófum
Háskólagráður
- Bakkalárgráða (e. Bachelor) í viðskiptafræði með áherslu á ferðaþjónustu
- Meistaranám (e. Master) í ferðaþjónustu með áherslu á sjálfbærni
- Námskeið til viðurkennds bókara
Síðan og fróðleikurinn
Þessi síða er hugsuð sem upplýsinga- og fræðsluvettvangur fyrir öll sem hafa áhuga á sjálfbærni ferðaþjónustu á Íslandi.
Það hefur lengi verið mér hjartans mál að efla fræðslu og miðla upplýsingum á íslensku til þeirra sem starfa í ferðaþjónustu.
Þó að margt gott efni sé til staðar á stofnanasíðum og erlendum vettvangi,
fannst mér vanta vettvang sem talar beint til fólksins í greininni.
Ég ákvað því að gefa sjálfri mér þessa síðu, ásamt Instagram og Facebook síðu, í jólagjöf árið 2024.
Þetta verkefni sameinar áhuga minn, reynslu og brennandi áhuga á að stuðla að sjálfbærri þróun í íslenskri ferðaþjónustu.
Markmið síðunnar:
-
Deila hagnýtum upplýsingum og fróðleik um sjálfbæra ferðaþjónustu.
-
Koma á framfæri leiðbeiningum og verkfærum fyrir fyrirtæki og einstaklinga í ferðaþjónustu
sem vilja bæta sjálfbærni í starfsemi sinni. -
Vera vettvangur fyrir nýjungar, rannsóknir og góðar fyrirmyndir í greininni.
Efni síðunnar:
Upplýsingarnar á síðunni eru byggðar á mínum eigin rannsóknum, vinnu minni og þeirri þekkingu
sem ég hef öðlast í gegnum árin, bæði í námi og starfi.
Að auki byggi ég á gögnum frá öðrum rannsóknum, fræðiritum og þekkingu þeirra
sem hafa deilt reynslu sinni og þekkingu á þessu sviði.
Ég vona að þessi síða geti veitt þér innblástur og verkfæri til að taka þátt í sjálfbærri þróun í ferðaþjónustu á Íslandi.
Hvort sem þú ert starfsmaður, stjórnandi eða áhugamaður, þá er markmið mitt að hjálpa þér að ná meiri árangri með sjálfbærum lausnum sem skila sér til náttúru, samfélags og ferðamanna.
Hafðu samband eða vertu með á samfélagsmiðlunum:
Fylgstu með á Instagram og Facebook til að fá nýjustu fréttirnar, fróðleik og hvatningu
til að gera íslenska ferðaþjónustu enn sjálfbærari.
Þjónustan mín inniheldur m.a.
Ráðgjöf
Sérsniðin ráðgjöf fyrir fyrirtæki. Greining á núverandi stöðu, gerð stefnu og framkvæmdaráætlun fyrir sjálfbærni í rekstri.
Vottanir
Undirbúningur fyrir úttektir
(t.d. GSTC, Green key eða Travelife). Yfirferð á skjölum, verklagsreglur og leiðbeiningar.
* ATH: Ef ég veiti aðstoð eða ráðgjöf, mun ég ekki geta starfað sem úttektaraðili fyrir fyrirtækið.
Fræðsla og vinnustofur
Sérsniðin kennsla og vinnustofur fyrir starfsfólk og leiðsögumenn.
Langtíma Eftirfylgni
Eftirfylgni, stefnumótun og aðstoð við sjálfbærniaðgerðir með reglulegum fundum.